नेपाल सरकार, भूमि व्यवस्थापन तथा अभिलेख विभाग

नेपाल सरकार
भूमि व्यवस्था,सहकारी तथा गरिबी निवारण मन्त्रालय
भूमि व्यवस्थापन तथा अभिलेख विभाग
मालपोत कार्यालय बरहथवा, सर्लाही
बरहथवा, सर्लाही

नेपाल टेलिभिजनबाट भूमि व्यवस्थापन सम्बन्धी कार्यक्रम प्रशारण सम्बन्धमा



नेपाल टेलिभिजन र भूमि व्यवस्थापन तथा अभिलेख विभागबीच मिति २०७७ भाद्र ३० गते कार्यक्रम उत्पादन तथा प्रशारण सम्बन्धी सम्झौता भएको छ । विभाग र नेपाल टेलिभिजनबीचको यो पहिलो सहकार्य र सम्झौता हो ।

नेपाल टेलिभिजनमा भएको “भूमि प्रशासनमा प्रविधि र सुशासन” नामक कार्यक्रम महिनाको तेस्रो शुक्रबार प्रसारण हुने गरी सम्झौता भएको हो । कार्यक्रम सूचना, सन्देश र जानकारी मूलक हुने छ ।

 

सम्झौता पत्रमा नेपाल टेलिभिजनका तर्फबाट महाप्रवन्धक गोविन्द रोका र विभागका तर्फबाट महानिर्देशक शेषनारायण पौडेलले  हस्ताक्षर गर्नुभयो ।

कार्यक्रममा विभागका महानिर्देशक पौडेलले विभाग मातहतका कार्यालयहरु प्रविधिमैत्री बन्दै गएको र यी कार्यालयहरुबाट सर्वसाधारणलाई सहजै सेवा उपलब्ध गराइएको बताउनुभयो ।

नेपाल टेलिभिजनका कार्यकारी अध्यक्ष डा. महेन्द्र बिष्टले नागरिकका प्रत्यक्ष सरोकार जोडिएका कार्यालयले ल्याएका सुधारको योजनाले मुलुकमै शुसासन स्थापित गराउन सहज हुने धारणा राख्नुभएको थियो ।

यसैगरी, कार्यक्रममा नेपाल टेलिभिजनका नायव महाप्रबन्धक विष्णुराम न्यौपानेले नेपाल टेलिभिजनको पहूँच ७६ प्रतिशत जनसंख्यामा पुगिससकेको र अब प्रविधि र प्रशारणको विकासमा निरन्तर लागिरहेको बताउनुभयो ।

“भूमि प्रशासनमा प्रविधि र सुशासन” कार्यक्रम तालिका

वार : प्रत्येक महिनाको तेश्रो शुक्रबार

समय : साँझ ६ बजे देखी ६ :२५ बजे सम्म


यो वेवसाईट

free
hit counter
पटक हेरिएको छ ।

© सर्वाधिकार सुरक्षित (भूमि व्यवस्थापन तथा अभिलेख विभाग)